itboom.uz - dasturlashni o‘rganishning kompleks yechimi

Dasturlash bo'yicha aksariyat kitoblarning dastlabki mavzulari tanlangan dasturlash tiliga oid bo'lgan sintaksis, kalit so'zlarni tushuntirish va o'zgaruvchilarni e'lon qilishdan boshlanadi. Siz o'qimoqchi bo'lgan mana bu kitob esa, dasturlashni boshlagungacha kerakli bo'lgan asosiy tushunchalar, jumladan mantiq, algoritm, komyuterdagi hisoblash jarayoni va asosiysi matematikaning dasturlash uchun nimaga kerakligini tushuntirib beradi. Kitobda matematikaning dastlabki tushunchalari (boshlang'ich dasturlashda ishlatiladgian asosiy bo'limlari) dasturlash jarayoni bilan bog'lab tushuntirilgan, buni yangicha yondashuv deb hisoblayman. Shuning uchun ham kitobga "Dasturlash: 0-qadam. Matematika" deb nom berilgan bo'lsa kerak. Yana bir tomoni, kitobda dasturlashni o'rganish uchun eng zarur bo'lgan 2 ta "C" va "Python" dasturlash tillaridan foydalanilgan va bu kitobxonga yanada ko'proq imkoniyat beradi. Umid qilamanki keyingi kitoblar ham shunday tartibda dasturlashni 2 ta til bilan solishtirish orqali o'rganish imkoniyati bilan chop qilinadi. Kitob mualliflariga (Ruslan Abdullayev va Sherzod Raxmatov) erinmasdan ham matematikani ham dasturlashni aniq tushuntiradigan yangicha yondashuvdagi kitob uchun tashakkur bildiraman va bu kitob kelajak avlod uchun dasturlashni o'rganishda chinakam xizmat qilishiga ishonaman.

Bu kitobni qo'limga olganimda aynan dasturlash uchun qiziqadiganlar uchun ekanligiga amin bo'ldim. Kitobda dastrulash uchun kerak bo'lgan ko'plab ma'lumotlar mavjud bo'lib, ularni sodda tilda va qiziqarli video ma'lumotlar orqali yoritib berilgan. Bu kitobni eng ustun tomoni, kitobda o'rgangan bilimingizni o'sha vaqtni o'zida, xattoki telefonda sinab ko'rish imkoniyati bo'lib, bu imkoniyat nazariyani amaliyotda tezda tadbiq qilishga va dasturlashni ancha tez o'rganishga yordam beradi.

Dasturlashni 0 dan boshlamoqchi bo’lganlar uchun kitob juda foydali va qiziqarli. Kitobda dasturlashga aloqasi bo’lgan matematik bilimlarni olishingiz va mustahkamlashingiz mumkin. Kitobda nafaqat nazariy bilimlar,balki amaliy mashqlarni onlayn platforma orqali bajarishingiz va natijasini ko’rishingiz mumkin. Kitobni o’qir ekansiz,matematika dasturlash uchun naqadar muhimligini tushunasiz.